- 1 peza de lombo alto de “Ternera Gallega” (3kg)
- aceite oliva virxe extra
- sal grosa
- pementa negra
- tomiño fresco
- 1 cabeza allo enteira
- 2 vasos de viño branco DO Ribeiro
- 1 copa de brandy
Temperar a peza de lombo, polo menos, 2 horas antes da cocción.
Limpar os osos superiores pelando as puntas cun coitelo e marcar o exterior da peza cun corte fino en cruz.
Embadurnar a peza lixeiramente de aceite e fregala con sal grosa, tomiño fresco picado e pementa negra recentemente moída. Dispoñer nunha bandexa de forno co allo partido, engadir o viño, o brandy e un vaso de auga.
Asar a peza no forno prequentado 15 minutos a 220 ºC. Baixar o forno a 140 e cociñar 25 minutos máis ou ata unha temperatura interna de 50 ºC. Sacar do forno e repousar 15 minutos antes de trinchar (durante este tempo a peza subirá 5-6 grados máis). Colar os xugos de cocción da placa e reducilos á metade do seu volume. Usar como salsa.
Presentación:
Servir o lombo en toros grosos a modo de costeleta, ou finos tipo “roast beef ”.
Suxestión de acompañamento:
Un bo puré de IXP Pataca de Galicia e unha ensalada verde.
