Para a tenreira asada:
- 1,25 kg de agulla de tenreira
Para o adobo:
- 2 dentes de allo
- 2 culleradas de perexil picado
- 1 folla de loureiro
- 1 vaso de vino branco DO Monterrei
Para o asado:
- 2 cebolas grandes picadas
- 3 cenorias
- 1 cabeza de allo partida en dous
- 0,1 l aceite de oliva suave
- 0,2 l caldo de carne
- 25 g manteiga de porco
- sal grosa
Para os bocadillos:
- 4 pans estilo molete
- 2 pementos vermellos
- 400 g pementos DOP Herbón
- aceite de oliva
- sal grosa
Mazar nun morteiro o allo co perexil e untar a carne, engadir o viño branco e o loureiro. Cubrir con papel film e deixar en adobo, durante a lo menos 24 horas, na neveira.
Escorrer a carne do adobo, sazonala e dourala nunha tixola por todas as súas caras con aceite de oliva. Engadir as verduras e a manteiga de porco, douralas. Pasar todo o conxunto a unha placa de asar, verter por encima todo o xugo do adobo e cubrir con papel sulfurizado ou papel de aluminio.
Asar no forno a 150º C durante unha hora; retirar o papel de aluminio e asar outra hora máis, volteando a carne cada 20 min., ata que estea tenra. Deixar repousar un par de horas a temperatura ambiente. Esfiañar a carne, mesturándoa ben cos xugos do asado.
Ao mesmo tempo que a carne, asar os pementos vermellos cun pouco de sal e aceite no forno e pelalos.
Retirar as verduras do asado e esmagar os allos e un pouco de cebola sobre os pans de bocadillo, previamente quentados e partidos.
Encher os pans coa carne asada esfiañada e cubrir de anacos de pemento asado.
Acompañar de pementos de Herbón recentemente fritos con sal grosa.
