IXP Viño da Terra de Barbanza e Iria

Información xeral

Empresas elaboradoras

Receitas

IXP Viño da Terra de Barbanza e Iria
Documentación técnica

Rosalía de Castro no seu poema Albariñas uvas xa facía referencia ao viño da súa terra:
"¡Ouh miña parra de albariñas uvas, que a túa sombra me das! [...]
¡Xa non vos deixo, que as angustias negras lonxe de min se irán!”


Medio Natural

Dentro desta comarca, case a totalidade da superficie dedicada ao cultivo do viñedo se encontra por baixo dos 150  m  sobre o nivel do mar, situada en zona costeira (zona baixa do litoral marítimo norte da Ría de Arousa así como no leito inferior e desembocadura do  rio Ulla cara á mencionada ría), con suaves pendentes, con clara orientación sur, protexida pola serra do Barbanza que exerce un importante efecto barreira sobre a penetración dos ventos oceánicos, o que representa as condicións idóneas para unha área de gran produtividade agrícola.

Estes viños son fiel reflexo dos efectos das condicións  termopluviométricas e agronómicas para unha  vitivinicultura de calidade, ao que debe sumarse o efecto do factor humano que se concreta no adecuado axuste  varietal (o viño é elaborado maioritariamente con variedades autóctonas da zona), a implantación das  viñas nos solos francos, profundos e  permeables, característicos desta área xeográfica e as correctas prácticas culturais, entre as que destaca a poda e condución das  viñas, que se realiza manualmente e con mestría para facer un adecuado control do potencial vitivinícola.

Todas estas condicións tenden a conferir aos viños producidos nesta comarca equilibrio e harmonía, excelentes expresións aromáticas e boas características de conservación.

Materias primas

+

As variedades de uvas empregadas son:

  • Para o branco: Albariño, Caíño Branco, Godello, Loureira (Loureiro Branco ou Marqués), Treixadura, Branco lexítimo (Albarín Blanco), Agudelo (Chenin Blanc) e Torrontés.
  • Para o tinto: Brancellao, Caíño Tinto, Espadeiro, Loureiro Tinto, Mencía, Sousón e Merenzao.

Características do produto

+

Os viños brancos presentan tons amarelos dourado brillantes, con destacados aromas florais e de froitas, boca lixeira e fresca, de bo potencial aromático e con toques cítricos ao final.

Os viños tintos presentan unha capa media con tons vermello picota e reberetes violáceos, de estrutura media e paso suave con aromas de froitas vermellas e silvestres cun toque final lixeiramente tánico.

A Pobra do Caramiñal

Adega Entre Os Ríos, SL

Boiro

Bodegas Calidade Antonio Saborido López SL

Padrón

Anselmo Tarrío Gregorio

Valga

Adegas Torres Augusti SL
Receita