IXP Pemento de Oímbra

Información xeral

Empresas elaboradoras

Receitas

IXP Pemento de Oímbra
Documentación técnica

A agricultura foi dende sempre a principal ocupación dos habitantes da comarca de Verín, alentada por un microclima peculiar e pola fertilidade dos seus solos. Os pementos de Oímbra comezaron a cultivarse con técnicas moi arcaicas que pouco a pouco se foron perfeccionando.

As formas de preparación do Pemento de Oímbra son enormemente variadas: fritos, recheos, asados,  guisados, etc. Existe unha enorme tradición entre a poboación na elaboración de conservas caseiras. A receita máis tradicional consiste no envasado dos pementos asados, seguindo un proceso absolutamente artesanal e natural.


Medio Natural

A área de produción dos pementos amparados pola indicación xeográfica protexida Pemento de Oímbra está constituída pola totalidade da comarca ourensá de Verín.

As condicións climáticas contribúen a crear un ambiente moi favorable para a produción  hortícola, posto que todo o sector se atopa protexido das frontes húmidas que chegan desde o oeste por serras que axudan a crear unhas condicións climáticas moi particulares (un  topoclima), que resultan moi adecuadas para a produción de certos cultivos como a vide, a oliveira ou o pemento.

Materias primas

+

Os pementos amparados pola indicación xeográfica protexida Pemento de Oímbra son os froitos pertencentes ao ecotipo da especie Capsicum annuum, L, cultivado tradicionalmente na zona de produción.

Características do produto

+

Os froitos colléitanse en verde (estado inmaturo intermedio) para a súa comercialización en fresco. Tamén poden cultivarse maduros (cor vermella), utilizándose neste caso fundamentalmente para a súa transformación en conserva como pementos asados. Só os primeiros son amparados pola indicación xeográfica.

A comercialización do pemento realízase cando este non alcanzou a madurez, sendo as súas características as seguintes:

  • Forma: regular, alongada
  • Peso aproximado: 100-200 g por unidade
  • Lonxitude aproximada: 10-20 cm
  • Anchura na base: entre 6-8 cm
  • Ápice: picudo e redondeado
  • Pel: lisa e brillante, de cor verde clara con tonalidades case amarelas
  • Cata: sabor doce, sen picor debido a ausencia de capsicina e olor de intensidade media

Monterrei

Conservas do Támega, SL

Oímbra

Pardo López, Benjamín
Receita