Información xeral
Empresas elaboradoras
Receitas
Prego de condiciónsO Queixo Tetilla é o máis coñecido dos queixos galegos. O seu gusto suave e textura agradable convencerá, como xa ben facendo, a todos aqueles que se acheguen ao que é unha das propostas máis orixinais e deliciosas do sector lácteo galego.
Medio Natural
Tanto a zona de produción de leite como a de elaboración do Queixo Tetilla abrangue todo o territorio da Comunidade Autónoma de Galicia.
A orografía, moldeada con suaves montes e cunha importante rede fluvial, xunto co clima atlántico predominante (marcado por unha abundante pluviosidade), favorecen o desenvolvemento de pradeiras e unha alta produtividade forraxeira e de cultivos agrícolas. Esta produtividade da terra permite unha elevada actividade gandeira.
A produción láctea baséase en explotacións familiares nas que se fai un manexo tradicional do rabaño. As características destas explotacións fan que o leite producido teña unhas condicións de calidade idóneas para a elaboración deste queixo.
Os produtores da rexión atesouran unha larga tradición na elaboración deste tipo de queixo, de características absolutamente singulares, a destacar a súa peculiar forma que permite a súa inmediata identificación, conseguindo que os seus produtos alcancen un merecido prestixio e recoñecemento entre os consumidores.
Materias primas
+
O leite que se utilice para a elaboración destes queixos será o produto natural integro, procedente do muxido de vacas das razas Rubia Galega, Frisona ou Pardo Alpina, ou dos seus cruzamentos entre si, pertencentes a explotacións saneadas inscritas nos rexistros da denominación de orixe. A alimentación do gando baséase fundamentalmente nos pastos e forraxes da área de produción.
O leite non debe conter costros nin conservantes, e deberá cumprir os requisitos establecidos pola lexislación vixente. Non se permite ningún procedemento de estandarización ou manipulación que cambie a súa composición inicial.
Características do produto
+
Queixo de forma cónica, cóncava-convexa, con dimensións nas que a altura ten que ser superior ao radio da base e inferior ou igual ao seu diámetro, cunha lixeira mamila no seu vértice.
Cor branca-marfil, amarelada.
Codia fina e elástica, amarela e sen mofo.
A pasta é branda, cremosa e uniforme sen presenza de ollos ou con poucos ollos pequenos e repartidos.
Aroma suave, lixeiramente ácido.
Sabor lácteo, manteigoso algo ácido e salgado suave.
Peso: 0,5 – 1,5 kg
O período de maduración é como mínimo de oito días.
