Compartir

Costela de “Ternera Gallega” glaseada con ceboliñas ao mel e Queixo do Cebreiro

ostela de “Ternera Gallega” glaseada con ceboliñas ao mel e Queixo do Cebreiro
Ingredientes
  • 2 kg de costela de “Ternera Gallega” nunha peza
  • 2 cebolas medianas
  • 2 cenorias
  • 3 dentes de allo
  • 0,5 l vino tinto Mencía (DO Valdeorras)
  • 1,5 l caldo de tenreira
  • 50 g fariña
  • aceite de oliva, sal,
  • pementa negra

Para a gornición:

  • 12 ceboliñas pequenas
  • 3 culleradas de manteiga
  • 0,2 l caldo de tenreira
  • 3 culleradas de IXP Mel de Galicia
  • 100 g de DOP Queixo do Cebreiro
  • sal, tomiño
Tipo de plato
Segundo

Salpementar a costela e dourala nunha pota grande con aceite. Retirar a carne e, na mesma  pota, engadir as verduras picadas e refogar ata que estean douradas. Engadir a fariña, remover ben, verter o viño e deixalo reducir ata a metade.
Meter de novo o anaco de costela dentro da pota e cubrir ben co caldo. Asar suavemente, tapado, de 2 horas a 2 horas e media ata que a costela estea ben tenra. Retirar a carne da pota e sacar os osos tirando deles sen que se rompa a carne. Meter a carne desosada na neveira cun peso enriba para prensala ata que arrefríe. Cortala en rectángulos ou lingotes.
Coar o líquido de cocción e reducilo ata que quede con consistencia de salsa espesa e brillante.
Dourar en aceite os lingotes de costela e engadir a salsa reducida; cociñar a lume lento 5 minutos, salseando continuamente a carne cunha culler, ata que quede ben cuberta e brillante.

Gornición:
Pelar as ceboliñas, sazonalas e douralas lixeiramente con manteiga nunha tixola, engadir o caldo e fervelas ata que estean tenras. Engadir o mel e cocer dous minutos máis.
Coroar cada unha cun pouco de queixo do Cebreiro e servir acompañando o lingote de costela.