IXP Pan Galego

Información general

Empresas elaboradoras

Recetas

A Indicación Xeográfica Protexida (IXP) Pan Galego protexe o pan de trigo elaborado de xeito tradicional en Galicia. Este pan posúe unha calidade diferencial debida á orixe e ás características dos seus ingredientes e á súa forma de elaboración.


Medio Natural

O Pan Galego elabórase en todo o territorio de Galicia. A súa especificidade debe atribuírse tanto ás condicións do medio natural, do que se obteñen as materias primas que se empregan, como ao saber facer dos panadeiros e panadeiras de Galicia.


O Pan Galego séguese elaborando como outrora, de forma artesanal, de acordo co coñecemento tradicional que se foi transmitindo de xeración en xeración. A combinación en diferentes proporcións, segundo o bo entender dos panadeiros e panadeiras, de fariñas procedentes de trigos galegos con trigos foráneos; o uso de masa nai; a elevada hidratación das masas e o emprego das augas de Galicia, en xeral brandas; os longos tempos de repouso para que se produza unha fermentación lenta; a realización manual das pezas, cos seus formatos característicos; o uso dos antigos fornos de pedra quentados con leña, ou a súa  versión actual, fornos que utilizan outros combustibles ou eléctricos, pero con soleira refractaria; os longos tempos de cocción; son todas elas operacións que requiren dunha destreza e duns coñecementos que só os homes e mulleres deste territorio posúen.

Materias primas

+

Os ingredientes que se deben empregar na súa elaboración son fariña de trigo, da que, como mínimo, o 25% procederá de trigos de variedades autóctonas de Galicia (“trigo país”), auga, masa nai (tamén chamada formento, requento ou lévedo), sal común e, opcionalmente, levadura biolóxica.

Características del producto

+

O pan galego ten un sabor intenso a trigo cun punto lixeiramente ácido e moi aromático. Ten unha codia de consistencia triscante e cor desde dourada a marrón escura e un grosor medio de entre 3 e 10 mm, que na barra pode ser menor. A miga é de cor desde branca escura a crema pálido, con textura esponxosa e alveolado abundante e irregular.


Pode presentarse baixo algún dos seguintes formatos:

  • Bolo ou fogaza: de feitura redondeada e irregular, pode levar fendeduras na súa parte superior e a relación largo/longo aproxímase a 1/1. Outras variantes son: rematado na súa parte superior cun pequeno anaco redondeado de pan a modo de moño, e o de forma alongada cunha relación largo/longo próxima a 1/2. As súas dimensións varían segundo o seu peso, que pode ser de 250, 500, 1.000, 1.500 gramos e outros formatos maiores.
  • Rosca: de forma de aro irregular de aspecto aplanado. As súas dimensións varían en función do seu peso, que pode ser de 250, 500, 1.000 gramos e outros formatos maiores.
  • Bola ou torta: de formato redondeado e aplanado. Para este formato admítense pezas de 250, 500, 1.000 gramos e outros formatos maiores.
  • Barra: con forma alongada, cunha lonxitude entre 40 e 60 cm e un peso de 300 gramos.

A Estrada

CERVELA ALIMENTACIÓN, SLU

Allariz

DOCES E PAN DO FORNO DO TOMAS, S.L.

Carral

PANADERIA DA CUNHA, SL

Cerceda

PANADERÍA GRELA, SL

Coristanco

PANADERÍA ROISER S.L.

Curtis

CORRAL SANTOS, JOSÉ ANTONIO

Lugo

RAPOSO PAN, SL

Mesía

CASA ZAPATEIRO, S.L.

Oleiros

PANADERIA SANTA CRUZ S.L.

Palas de Rei

LOGOFRAN, SLU

San Cristovo de Cea

FORNO DA ERMIDA, S.L.

Vigo

SUPAN, SL
PANADERÍA ELENA, SLU

Vilanova de Arousa

PANADERÍA PATRI, SL
Receta
Recetas

 

No se encontraron recetas para este producto